வெளி மீபெரிது
குருவி நாம்
இங்கு வந்தோம்
 
காடு விடுத்து அதில்
சிறு வீடு செய்தோம்
 
வீடு விடுத்து அதில்
சிற் றகம் செய்தோம்
 
அகம் விடுத்து அதில்
சிறு சேக்கை செய்தோம்
 
சேக்கை விடுத்து அதில்
சிறு கூடு செய்தோம்
 
குறுகிபடுத்து அதில்
சிறு குருவி ஏய்தோம்

***

என் இல் துடைத்து வைத்திருக்கிறேன்
இன்று உன்னை காணவில்லை

சிறு விளக்குச் சுடர் ஏற்றியிருக்கிறேன்
இன்று உன்னை காணவில்லை

மணற்மேடுகளை பார்த்திருக்கிறேன்
இன்று உன்னை காணவில்லை

ஞாயிறும் திங்களும் 
என் தலை மேல் போட்டிருக்கிறேன்
இன்று உன்னை காணவில்லை

தேடாத இடம் தேடியிருக்கிறேன்
இன்று உன்னை காணவில்லை

தேடிய இடத்தில் காத்திருக்கிறேன்
இன்று உன்னை காணவில்லை